Саҥа сатабылга үөрэннибит
Бүгүн олохтоох библиотека ыалдьыта -Светлана Охлопкова
Туһаттан тахсыбыт ( кыччаабыт, алдьаммыттардаах, кубарыйбыт) таҥастары иккис тыыннаан хайдах туһаныахха сөбүн испиинтэ, баайар күрүчүөк көмөлөрүнэн онно тус фантазияҕын эбэн араас көрүҥнээх ковриктары оҥосторго Светлана Поликарповна ымпыктаан – чымпыктаан, кичэллээхтик тутан – хабан үөрэттэ. Аккуратнай быһыылаах улахан, кыра кээмэйдээх көбүөрдэри тиһэн , баайан таһаарар бэрт сонун ньыманы биллибит.Маны таһынан кэмпиэт суутунан суулаан, тэҥ кээмэйдээх, араас өҥнөрү дьүөрэлээн сибэкки иһиттэрин киэргэтэр тиһиликтэри оҥорорго үөрэттэ. Бу ньыманан шкатулкалары, браслетиктары да оҥостуохха сөп эбит. Онон, бүгүҥҥү күн дьарыга бэрт сэргэхтик ааста. Умнуллубакка куруһуок быһыытынан баҕалаах дьон түмсэн дьарык оҥостон, таарыччы илии сүһүхтэрин, тарбахтарын эрчийэн доруобуйа тупсуутугар көмөлөөх буолуон сөп дии санаатыбыт. Маастарбытыгар истиҥ махталбытын биллэрэбит