Саха бастакы идэтийбит худуоһунньуга, ССРС худуоһунньуктарын сойууһун чилиэнэ, Саха АССР народнай худуоһунньуга, этнограф, фотограф Иван Васильевич Попов төрөөбүтэ 150 сылынан “Өбүгэ үгэһэ – күлүм түгэҥҥэ” хаартыскаҕа түһэрээччилэр аһаҕас куонкурустарын балаһыанньата.

Тэрийээччи: Таатта улууһун Чөркөөхтөөҕү Н.Н.Туласынов аатынан норуот айымньытын дьиэтэ.

Буолар күнэ-дьыла: Ыам ыйын 7 күнүттэн бэс ыйын 7 күнүгэр диэри сайаапкалары тутабыт. Куонкурус түмүгэ бэс ыйын 12 күнүгэр 2024 тахсар.

Куонкурус ирдэбилэ:

• Биирдиилээн хаартыскаҕа түһэрээччилэр кытталлар.
• Кыттааччы 3 устуука хаартысканан кыттар.
• Хаартыскаҕа билиҥҥи кэмҥэ төрүт дьарыгынан дьарыгыра сылдьар дьону түһэрэллэр.
• Хаартыскалар 2024 сылга түһэриллибит буолуохтаахтар.
• Хаартыскалары dntcherkech@mail.ru электроннай почтаҕа, сайаапканы 89142996504 нүөмэр ватсабыгар ыытаҕыт.
• Сайаапкаҕа кыттааччы аата, аҕатын аата, араспаанньата, олорор сирэ, сааһа (оскуола оҕото буоллаҕына ханнык оскуолаҕа хаһыс кылааска үөрэнэрэ) ыйыллар. Хаартыскаҕа түһэрбит дьоннорун аата-суола хайаан да ыйыллар.

Кыттааччылар:
1 бөлөх – оскуола оҕолоро
2 бөлөх – улахан дьон

Кыттыы төлөбүрэ:
Оҕолорго – 100 солк.
Улахан дьоҥҥо – 200 солк.
Төлөбүрү 89142996504 сбербанк онлайн ыытаҕыт. Чегын ватсапка эбэтэр эл.почтаҕа ыытаҕыт.

Кыайыылаахтары быһаарыы:
Кылаан кыайыылаах быһаарыллар уонна 1,2,3 истиэпэннээх лауреаттар, дипломаннар бэлиэтэнэллэр, дипломунан наҕараадаланаллар. Бары кыттааччылар дипломнара, туоһу суруктара электронно ыытыллар. Куонкурска киирбит хаартыскаларынан видеоролик оҥоһуллар. Кыайыылаах хаартыскалар dnttulasynova.ru сайтка, вконтакте сыһыарыыга тахсаллар.

Билсэр телефон 89142996504 – Парасковья